Мұнай өңдеу және мұнайхимия ғылыми-зерттеу институты Қазақстан Республикасының мұнай өңдеу және мұнайхимия салалары үшін зерттеулер, инженерлік шешімдер, сертификаттау және кадрлар даярлау бағытындағы отандық салалық орталық ретінде құрылуда.
Институтты құру саланың стратегиялық, технологиялық және экономикалық міндеттерін шешуге, оның тұрақтылығын, технологиялық тәуелсіздігін және бәсекеге қабілеттілігін арттыруға, сондай-ақ инновацияларды, стандарттауды және қолданбалы әзірлемелерді енгізуге арналған заманауи базаны қалыптастыруға бағытталған.
Жоба Қазақстан Республикасының мұнай өңдеу саласын 2025–2040 жылдарға дейін дамыту тұжырымдамасында көзделген міндеттер аясында, сондай-ақ ЕАЭО шеңберіндегі техникалық реттеу мен мемлекеттік бақылау талаптарының күшеюі жағдайында іске асырылуда.
Миссиясы
Қазақстанда мұнай өңдеу және мұнайхимия саласында ғылыми сүйемелдеуді, инженерлік сараптаманы, сертификаттау инфрақұрылымын дамытуды және жоғары білікті кадрлар даярлауды қамтамасыз ететін базалық салалық ғылыми-зерттеу институтын қалыптастыру.
Мақсаты
Келесілерді қамтамасыз ететін заманауи ғылыми-технологиялық платформаны құру:
- мұнай өңдеу және мұнайхимия саласындағы зерттеулерді дамыту;
- инновациялық, экологиялық таза және энергия тиімді шешімдерді енгізу;
- сала кәсіпорындарының тиімділігін арттыру;
- стандарттау, сынақтар және сертификаттау жүйесін дамыту;
- саланың кадрлық және инженерлік әлеуетін нығайту.
Негізгі міндеттері
Институт келесі міндеттерді кешенді түрде шешуге бағдарланған:
- Қазақстан Республикасының мұнай өңдеу және мұнайхимия саласының қазіргі жай-күйін зерттеу;
- негізгі сын-қатерлерді, шектеулерді және өсу нүктелерін айқындау;
- инновациялық технологиялар мен үдерістерге бағдарланған зерттеу стратегиясын әзірлеу;
- экологиялық таза және энергия тиімді технологияларды енгізу әлеуетін бағалау;
- өндірістердің қоршаған ортаға теріс әсерін төмендету;
- Қазақстан жағдайын ескере отырып, үздік әлемдік тәжірибелерді талдау және бейімдеу;
- мамандарды, ғылыми кадрларды және басқарушы буынды даярлау және қайта даярлау;
- жетекші ғылыми ұйымдармен, жоғары оқу орындарымен және компаниялармен әріптестікті дамыту;
- салалық нормативтік құқықтық актілер мен ұлттық стандарттарды әзірлеу;
- зерттеу нәтижелерін нақты өндірістік жағдайларға енгізу;
- сертификаттау жүйесін дамытуға, оның ішінде автомобиль және авиация отындары саласында қатысу.